Денеска на веб сајтот на ДКСК беше објавен имотниот лист на премиерот Зоран Заев кој претспел неколку промени за три години. 

По пријавил возило,Мини купер чии сопственици се неговите деца, со вредност од 870 илјади денари (14,5 илјади евра). Како подарок на неговата сопруга Зорица добил стан од 46 квадратни метри со 7 квадрати подрум во Струмица вреден 900 илјади денари (15 илјади евра).

Во имотниот лист на Заев, е пријавен заем од 330 илјади евра кој го земала неговата сопруга а треба да го врати до 2021-ва година.

Како „парични средства по основ на ликвидирање на фирма“ впишани се 6 милиони денари односно 100 илјади евра како имот на родителите. Имот на родители, деловен простор во Струмица вреден 3.690.000 денари, а со површина од 60 м2. Земјоделско земјиште од 4 хектари во Муртино, сопственост на на негови родители со вредност од 2,4 милиони денари, објавува Прес 24.

Како имот на родители пријавена е и куќа во Струмица вредна 18,45 милиони денари (над 300 илјади евра). Куќата има 400 квадрати и е изградена во 2000-та година. Заев пријавил и стан на негови родители  во Струмица вреден околу 30 илјади евра, а купен во 2007-ма година.

На име на премиерот Заев во актуелниот е посочен само заем кој го дал во  2012-та година. Должникот му должи на премиерот 4,3 милиони денари односно околу 70 илјади евра.

Во анкетниот лист нема друг имот на негово име, ниту пак е заведен имот на други членови на семејството освен најблиските, нема сопственост во фирми, ниту имот во странство. Имотниот лист е доставен на 30-ти септември во ДКСК, а објавен денеска.