Албанец со потекло од Македонија е терористот кој уби четири лица во Виена. Новинар на магазинот „Фалтер“ го откри идентитетот на терористот.

Како што претходно објави уредникот на австрискиот неделник „Фалтер“, Флоријан Кленк, се работи за Куртин С., кој е роден во Австрија во 2000 година, но неговите родители се Албанци со потекло од С. Македонија.

Министерот за внатрешни работи на Австрија Карл Неамер потврди дека напаѓачот кој беше убиен од полицијата при синоќешниот терористички напад во Виена имал потекло од Македонија.

Убиениот терорист на 22 април бил осуден на 22 месеци затвор бидејќи сакал да им се приклучи на борците на ИД во Сирија и на 5 декември во 2019 година бил условно пуштен на слобода.

Бројот на загинати цивили во пукањето што се случи во самиот центар на Виена порасна на четири, откако на повредите им подлегнала уште една жена.