Откако одекна скандалот во сите медиуми за продавницата на мебел НЕФА и дека стотина граѓани остана измамени, финансиската полиција реши да воведе истрага.

„Отвораме предистрага по допрен глас добиен од медиумите. И Пазарната инспекција побара да се вклучиме во проверките за измамените граѓани“, велат од Управата за финансиска полиција.

Српско-руската фирма „Нефа мебел“ ги затвори салоните и во Србија, каде што исто така поголем број на нивни муштерии останаа со неиспорачани парчиња мебел за кои платиле.

Српските медиумуи оценуваат дека се работи за измама на деценијата.

Рускиот инвеститор Андреј Ходашевич по скандалот се огласи и ветува дека како сопственик на холдингот ќе обезбеди буџет за враќање на парите, и дека  до 31 мај ќе ги уплати парите на сметката на српската компанија за да се вратат парите на тие што нарачале мебел и да се исплатат платите на вработените.