Претседателот на Венецуела, Николас Мадуро верува дека коронавирусот е направен како биолошко оружје против Кина, соопшти денеска Министерството за надворешни работи на Венецуела.

„Глобалната анализа покажува дека коронавирусот може да биде вид создаден за да се води биолошка борба против Кина. Сето ова покажува дека е крајно време да се објави јавно, да се подигнат аларми за да се спречи употреба на коронавирус против Кина и другите земји“, рече Мадуро, пренесува Тас.

На крајот на декември 2019 година, вирусот се појави во кинескиот град Вухан, економски и индустриски центар на провинцијата Хубеи, во кој живеат околу 11 милиони луѓе.
Според најновите податоци, починаа 2.924 луѓе, а 85.200 луѓе ширум светот се разболеле.

Во Македонија се препорачува откажување на сите поголеми јавни собири до 6 март, соопшти Владата вчера, по откривањето на првиот случај на заразен со коронавирус во Македонија.

„Истото се однесува на сите други поголеми забавни и културно-уметнички манифестации. Пазарната инспекција и Агенцијата за лекови се задолжуваат да контролираат колку заштитни средства има во аптеките, и ако се забележи дека скокаат цените, да постапат според надлежностите. Се задолжува и Црвениот крст да испрати волонтери на граничните премини за да ги анкетираат лицата што влегуваат во земјата“, пишува во соопштението на Владата.