Заменик-претседателот на Владата задолжен за борба против корупција, за одржлив развој и човечки ресурси Љупчо Николовски на својот твитер профил напиша дека досега владејачката СДСМ има над 560 кандидати за градоначалници и над 5.000 кандидати за советници.

– Низ отворена и транспарентна, демократска постапка која што дава шанса на секој, заедно со граѓаните и членството ќе ги избереме најдобрите кандидати.

Објавивме оглас за кандидати на градоначалници каде што нема услов да бидете член на СДСМ за да се кандидирате за градоначалник, треба сасмо да ги доставите вашите проекти со визијата за вашата општина во следните четири години, вели Николовски.

На овие избори СДСМ ја прави најголемата, најразнолика, најмодерна коалиција која што се надоврзува на она што го направивме во 2020 преку коалицијата „Можеме” порача генералниот секретар на СДСМ Љупчо Николовски на трибината во Охрид.

Ќе продолжиме со средбите, со контактите со граѓаните, во следните 20 дена ќе ја посетиме секоја куќа, ќе разговараме со секој граѓанин, ќе ги прашаме за нивните приоритети, за она што треба да влезе во нашата програма во нашата кадровска понуда – посочи Николовски.