Нови држачи за велосипеди, деновиве беа поставени на три локации во Скопје.

Велосипедските паркинг рампи беа поставени на плошникот на градскиот плоштад „Македонија“, пред Музичко – балетскиот училишен центар „Илија Николовски – Луј“, како и пред Вилата „Водно“.

Со оглед на зачестената употреба на велосипедот како превозно средство во овој период, Град Скопје, ја препозна потребата од зголемување на капацитетите за паркирање, но и за проширување на велосипедските патеки, па оттука континуирано работи на реализација на вакви проекти со кои што ќе им излезе во пресрет на бројните велосипедисти.