Во изминатите 24 часа се потврдени 30 нови случаи позитивни на КОВИД- 19. Вкупната бројка на дијагностицирани изнесува 384 лица.
По градови: Скопје-12, Куманово – 8, Прилеп – 9 и Крива Паланка-1.
Во изминатото дено-ноќие направени се 342 теста, а вкупно досега 4.117 тестирања на Ковид-19.
Коронавирусот е сериозна болест. Тој ги напаѓа белите дробови и сите органи. Влошувањето настанува нагло, никој не е поштеден, а повозрасните се подложни на компликации. Затоа, да ги почитуваме мерките – тие даваат резултати.
На што треба да внимавате и како да се заштите себеси доколку се грижите за лице заболено од КОВИД-19?
Лицата со лесна форма на болеста и без ризик за компликации се лекуваат во домашни услови. Матичниот/семеен лекар треба да биде вклучен во надзорот на здравствената состојба со следење на развојот на симптомите преку дневни телефонски повици и доколку е можно, преку посети во домот на пациентот.
Во однос на објавите во дел од медиумите за бројот на позитивни случаи од тестираните пациенти во Систина, Министерството за здравство го појаснува следното:Тестовите кои ги користи приватната клиника Систина се различен тип од тестовите на сите останати институции. Имено, тие тестови го детектираат присуството на анти тела на вирусот Ковид-19, додека останатите тестови го детектираат директното присуство на самиот вирус, изјави министерот Венко Филипче на вчерашната прес конференција.
Министерот нагласи дека за позитивни на Ковид 19 се сметаат само оние пациенти кои се позитивни на вирусот и исклучиво тие се водат и внесуваат во дневната статистика.
Сите пациенти кои се детектираат како позитивни на тестовите на анти тела кои ги прави Систина, задолжително треба да направат тест за присуство на вирусот во ИЈЗ, согласно одлуката на Комисијата за заразни болести во министерството.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.