Нови 33 лица со морбили се хоспитализирани денеска на Инфективната клиника во Скопје. Четири од нив се во критична состојба.
-Вчера имаше пет нови прегледани пациенти со морбили, а двајца се примени на болничко лекување. Во животозагрозувачка состојба е 16- годишната пациентка со церебрална парализа и масивна пневмонија. Во потешка состојба на одделите има тројца возрасни, информираат од Клиниката за инфективни болести и фебрилни состојби.
За среќа на Детска клиника бројките се малку подобри. Во моментов десет доенчиња се лекуваат болнички, но ниту едно не е во критична состојба, потврдија од клиниката. Инаку од минатиот месец е прогласена епидемија од морбили на територија на цела Македонија. Беше одлучено ниту едно невакцинирино дете да не биде примено во градинка. Исто така, се намалува и старосната граница за вакцинирање со МРП од дванаесет на 6 месеци.
Со мерките се опфатении здравствените работници кои задолжително ќе се вакцинираат со две дози.
Вчера Светската здравствена организација повика на подобра покриеност со вакцинација против морбили, кои кај заболено дете можат да предизвикаат смрт или инвалидитет. Според податоците со кои тие располагаат во последните месеци, болеста се повеќе се шири „во земји со висока вакцинална покриеност, вклучувајќи ги и САД, како и Израел, Тајланд и Тунис.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.