Одлуката за прогласување на амандманите 33, 34, 35 и 36 на Уставот на Република Македонија е објавена во саботата во шестиот број на Службен весник на РМ.

На 11 јануари 2019 година Македонското собрание ги усвои уставните измени, од Договорот со Грција за решавање на спорот за името, со што македонската страна ја исполни својата обврска од договореното, а сега на потег е грчкиот Парламент да го ратификува Договорот, со што ќе се отвори патот за интегрирање на земјава во ЕУ и НАТО.

Оваа одлука ја потпиша претседателот на Собранието, Талат Џафери.

Со двотретинско мнозинство пратениците во рамките на 75. седница ги донесоа амандманите 33, 34, 35 и 36 на Уставот на Република Македонија, а потоа и ги прогласија. Усвоен е и Уставниот закон за спроведување на амандманите.

Уставните измени со кои името на државата се менува во Република Северна Македонија ќе стапат во сила откако Договорот од Преспа и Протоколот за пристапување на земјата во НАТО ќе биде ратификувани во грчкиот Парламент.