Пред околу еден час нов земјотрес ја потресе Албанија.Земјотресот се случи во 9 часот и 26 минути со локална Рихтерова магнитуда 4.3.

Земјотресот бил почувствуван и во одредени делови на Македонија. Од Сеизмолошката опсерваторија при Природно-математичкиот факултет во Скопје соопштија дека утринава е регистриран земјотрес, чиј епицентар потекнува од соседна Албанија, на растојание 160км југозападно од Скопје.

Според досегашните податоци, земјотресот е почувствуван во југозападните делови на државата- Кичево, Охрид и Битола, со интензитет од III-IV степени според Европската макросеизмичка скала и со интензитет од III степени во Скопје и околината според истата скала.

Инаку во вторникот Албанија беше погодена од катастрофален земјотрес со 6.4 степени според Рихтер и од тогаш тлото не мирува. Епицентарот се помести на север, а жителите на Албанија се уште се во страв да не се повтори земјотресот од пред една недела кога животот го загубија 51 лице.

Како што минатата недела објавија медиумите земјотресот според податоците објавени на веб-порталот „Волкано дискавери“, кој имаше јачина од 6,3 степени има моќност колку и 60.000 тони експлозив ТНТ. Тоа е е еквивалентно на три атомски бомби, објави порталот Сот Њуз. Со тоа овој земјотрес официјално станал најсмртоносниот земјотрес за оваа година.