Во Службениот весник на Хрватска е објавен тендер за изградба на мост преку реката Сава меѓу Босна и Херцеговина и Хрватска во Босанска Градишка.

Секретарот во Министерството за комуникации и сообраќај на Босна и Херцеговина, Игор Пејиќ, рече дека во 2012 година е потпишан меѓународен договор меѓу Хрватска и БиХ за изградба на мостот.

За жал, годините што се зад нас донесоа таква ситуација мостот да не може да се реализира, тој дури не е ни почнат. По низа активности во кои вложивме голем труд резултатот е видлив на начин што вчера беше објавен тендер за изградбата на мостот. – рече тој.

Тендерот е објавен во Службениот весник на Хрватска и според законите на Европската Унија поради својата вредност од 221 милиони куни или околу 29.5 милиони евра мора да биде објавен и во Европскиот гласник за јавни набавки.