Човечка грешка ја предизвикала трагедијата во Џенова кога дошло до рушење на мостот изјави шефот на канцеларијата на јавниот обвинител во Џенова Франческо Кози.

Кози навел дека по завршувањето на операцијата за спасување обвинителите ќе ги анализираат “сите аспекти врзани за развојот инженерингот и одржувањето на мостот”.

Според претходните извештаи мостот кој се сруши во Џенова каде што досега загинати се најмалку 42 лица пред две години бил привремено затворен.

Шефот на обвинителството кажал дека е спремен да отвори случај за “повеќекратно убиство од небрежност и катастрофа”.

Во изјава ги повтори зборовите од италијанската власт дека трагедијата “можела да се избегне”.

Пожарникарите денеска предупредија дека и другиот дел од мостот можел да се сруши.

Француското Министерство за надворешни работи денеска соопшти дека меѓу жртвите има три француски државјани a албанската амбасада во Рим соопшти дека меѓу настраданите има двајца албански државјани.

Амбасадата на Албанија на својот официјален профил како жртви идентификувале две млади лица Марјус Џери и Еди Бокрин изразувајќи сочувство и понудувајќи помош на нивните семејства.

Мостот поради силното невреме се руши со што десетици возила пропаднаа низ пукнатината 100 метри под нивото на патот.

Италијанскиот министер за сообраќај Данило Тонинели кој го посети местото на несреќата кажа дека операторот на автопатот ќе мора да учествува во трошоците на реконструкцијата како и дека ќе мора да плати висока глоба поради оваа трагедија.