Пожарот кој изби пред околу еден час во една од кулите убавици во скопската населба Карпош 4 е изгаснат.

Во пожарот изгоре стан на најгорниот 16-от кат, а лицето кое живеело во него е пренесено во болница. Според информациите од терен, станарот е пренесен на Токсикологија поради вдишување чад. Полицијата засега нема информација која е причината за пожарот. Повеќе детали за пожарот се очекуваат подоцна, во текот на денот.

Инаку пожарот избувна претпладне околу 10.00 часот се запалил стан во една од зградите „убавици“ во населбата Карпош 4.
Според до сега  неофицијалните информации пожарот бил предизвикан од плинска боца. Од запалениот стан пожарникарите со крајни маки успеале да го спасат сопственикот кој од терасата барал помош. Голем дел од станарите беа евакуирани од зградата, а пристигнатата брза помош, на возмирените станари им пружи соодветна медицинска нега. Во зградата, поточно во станот на поткровјето се пробиваа 3 противпожарни екипи. Поради сложената пристапност на зградата, на помош беше повикана и екипа од базата во „Автокоманда“ од каде пристигна возило со високи скали за да може да се интервенира со шмрк доколку е потребно, но по еден час пожарот е целосно изгаснат.