Во текот на вчерашниот ден Телевизијата РЕН ТВ објави разговори меѓу контролорот за летање со екипажот од авионот „Аерофлот“ кој се запали на пистата после итното слетување на Шерметјево во неделата околу 19:30 часот.

Авион на руската компанија „Аерофлот“ се запали при слетување на аеродромот „Шереметјево“ во Москва. Во несреќата загинаа 41 патници, додека пак 39 патници беа успешно евакуирани. Телевизијата РЕН ТВ објави разговори меѓу контролорот за летање со екипажот од авионот „Аерофлот“.

Пилотот Денис Евдокимов после ударот од гром во рускиот авион проценил дека ситуацијата е премногу сериозна, но не и толку критична. Екипажот испратил сигнал до земјата „Пан-Пан“. Тој сигнал значи дека авионот е под закана, но не е потребна итна помош.

„Ве молам да се вратиме. Изгубена е радио врската и авионот гори во гром“, рекол командирот на авионот.

Контролорот кој работел заедно со пилотот на преминот на аеродромот пренел соопштение. После тоа пилотот рекол дека не може одеднаш да слета. Контролорот на летање прашал дали на вработените им е потребна помош.

„Не, засега е се во ред“, одговорил пилотот.

Пилотот додал дека постои проблем со врската и автоматското управување на авионот.
Веднаш после овие разговори авионот почнал да се спушта.

Пилотот на авионот не потврдил дека е подготвен за слетување. Контролорот на летот се пожалил дека пилотот воопшто не се слуша. После некои корекции екипажот одлучил да слета, не компјутерски, туку со помош на некои инструменти.
Пилотот побарал помош. Во кулата одговориле дека екипажот треба да продолжи со слетување. Контролорот на слетување им соопштил на пилотите за брзината на ветерот и им дозволил да слетаат.

„Спасувачките служби се на пистата“, рекол тој.

После тоа разговорот веднаш се прекинал. Веднаш после тоа авионот се запалил.

Да потсетиме Авион на руската компанија „Аерофлот“ се запали при слетувањето на аеродромот „Шереметјево“ во Москва, при што загинаа 41 патници, а додека пак 39 патници беа евакуирани.