Браќата Ибрахим се синови на милионерот Јонус Ибрахим, кој е богат трговец, а образованието го стекнале во приватни училишта во Коломбо.

Денеска се објавени првите фотографии од браќата терористи кои на католички Велигден извршија самоубиство, а при тоа убија повеќе од 40 лица во два хотели, пишува Дејли Мејл.

Во моментот кога терористите влегле во хотелите гостите појадувале, а неколку моменти покасно хотелскиот ресторан се претворил во место на хорор.

Иншаф и Илхам Ибрахим смирено влегле во хотелите Шангри Ла и Синамон Гранд, ги детонирале бомбите на своите елеци и притоа ги убиле гостите во хотелот кои во истиот момент појадувале.

Богатите браќа усмртија преку 40 странци кои се наоѓале на одмор, а меѓу убиените се и три деца. Само неколку часа подоцна полицијата се упатила во луксузниот дом кај бремената сопруга на Илхам, Фатима. Во истиот момент кога пристигнала полиција, таа се самоубила заедно со своите три деца и три полицајци.

Браќата Ибрахим се синови на милионерот Јонус Ибрахим, кој е познат трговец. На денот кога Ишнаф одлучил да ги убие невините луѓе во хотелот, ја известил својата сопруга дека ќе оди на службен пат. Тој живеел со својата сопруга и деца во куќа вредна 1,5 милиони фунти која се наоѓала на најелитното место во Коломбо.

Неговиот зет за сестра изјави дека тој никогаш не ја спомнувал Исламската држава и никогаш не покажувал симпатии кон екстремистите.

Најмалку 207 лица загинаа, а 450 се повредени во експлозии во католички цркви и хотели во Шри Ланка.
Беа пријавени осум експлозии. Три цркви во околината на Негомбо, Батикалаоа и Кочикаде во Коломбо беа на мета за време на Велигденските служби.