Пожарот што избувна на тревата околу меѓународниот аеродром во Југозападна Флорида уништи илјадници автомобили за изнајмување, соопштија пожарникарите.

Огнената стихија проголта 15 хектари и првично зафати само 20 автомобили на аеродромот Форт Маерс, а до моментот кога беше згаснат, изгореа повеќе од 3.500 изнајмени автомобили.

„До моментот кога единиците пристигнаа на местото на настанот, имавме 100 автомобили кои гореа. Престанавме да броиме после тоа“, рече Мелинда Авни од Службата за шума во Флорида.

Според Си-Ен-Ен, црни облаци од чад можеле да се видат на километри околу Форт Мајерс, град со околу 82.000 луѓе во југозападна Флорида.
Пожарот е изгаснат 18 часа подоцна, рече Авниев, додавајќи дека самиот аеродром не е оштетен.

Нема повредени и се испитува причината за пожарот.