Уште една одлична вест доаѓа од ракометниот Клуб Вардар, во тимот останува најдобриот ракометар Тимур Дибиров.
Рускиот репрезентативец, Тимур Дибиров, по се излгеда ќе остане во Вардар во следната сезона. Вардар викендов стигна до втората европска круна откако во финалето го совлада унгарски Веспрем (27-24).
Тој за руските медиуми изјавил дека останува во Скопје.
„Следната сезона ќе ја поминам во Вардар. Клубот ќе биде спасен, а ситуацијата е многу подобра“, рече Дибиров.
Исто така пред два дена и Самсоненко изјави дека состојбата во Вардар е добра и дека не постои никаков крај како што сите пишуваа.
Вардар беше „отпишан“ уште пред стартот на сезоната, беше посочен како тотален аутсајдер на фајнлфорот, но македонскиот првак успеа да направи чудо прво со епскиот пресврт против Барселона во полуфиналето, а потоа и со триумфот над Веспрем во финалето во кое водеа од прва до последна минута. Турбулентната сезона беше исполнета со повреди, но пред се со тешката финансиска состојба и беспарицата, а ракометарите девет месеци немаа земено плата, но скубе откри дека Самсоненко ги исплатил најголемиот дел од долговите кон нив, па мотивацијата била уште поголема кај ракометарите кои срцето го оставија на паркетот.
„Самсоненко ни исплати најголемиот дел од долговите пред фајнлфорот во Келн, ни вети и убава премија“, изјави словенечкиот репрезентативец Сташ Скубе за словенечките медиуми веднаш по величенствениот дочек на европските шампиони.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.