Претседателот на САД, Доналд Трамп претходно изјави дека им наложил на членовите на неговата администрација барем привремено да го прекинат финансирањето од Светската здравствена организација заради начинот на кој се справува со пандемијата на вирусот корона.

– Нивната работа го забавува ширењето на Ковид-19 и ако таа работа е стопирана, ниту една друга организација не може да ги замени. На светот му треба СЗО сега повеќе од кога и да било – напиша основачот на Мајкрософт на својот профил на Твитер, пренесува Си-Ен-Ен.

СЗО го прогласи коронавирусот за глобална закана за здравјето на луѓето кон крајот на јануари, а една недела подоцна фондацијата Бил и Мелинда Гејтс вети 100 милиони долари за да помогне во спречување на епидемијата.

Средствата, рече фондацијата, ќе бидат искористени за да се најде вакцината за вирусот, да се ограничи нејзиното ширење и да се подобри откривањето и третманот.

Претседателот на САД, Доналд Трамп претходно изјави дека им наложил на членовите на неговата администрација барем привремено да го прекинат финансирањето од Светската здравствена организација заради начинот на кој се справува со пандемијата на вирусот корона.

Трамп изјави на прес-конференција во Белата куќа дека СЗО не успеала да ја исполни својата основна должност и дека мора да биде одговорна.

Тој го обвини СЗО дека промовира „кинеска дезинформација“ за вирусот корона, за кој тој процени дека најверојатно ќе доведе до поголема епидемија на вирусот корона, отколку што би се случило поинаку.