Шокантни бројки објави светската банка, во врска со трендот на иселување од Македонија.Имено според Светска Банка од земјава се иселени дури половина милион граѓани или една четвртина од населението.

Како што беше објавено од нив две третини се работоспособни, а една третина се високостручни, најголем дел од ИТ секторот. Предупредување од Светските банкари е дека Македонија  мора под итно да превземе чекори за да се спречи одливот на таленти од земјава, бидејќи ќе се доведе под ризик целата економија, пазарот на труд, како и одржливоста на пензискиот и здравствениот фонд.

„Кога ќе го споредиме одливот на таленти од РСМ споредено со земјите од источна европа, 24 земји од Источна европа практично Макеоднија заедно со Ерменија, Молдавија Босна и Херцеговина се земји од каде имаме најмногу одлив на високобразован кадар“-Бојан Шимбов, економист во Светска Банка.

Имено веќе неколку години наназад Македонците започнаа да се иселуваат во европските држави, од нив најмногу се млади кои заминуваат во Малта, Германија, Швајцарија,Словенија, Италија, Шведска заради работа .

Причините поради кои најчесто граѓаните ја напуштаа земјава е тоа што половина од младите се невработени, а вработените најчесто се платени со минимални плати од 12.000 денари, без разлика дали се продавачи или инженери.

Статистиката покажува и дека секоја година се намалува и бројот на запишани основци и средношколци, а сервира и многу други податоци кои насочуваат на податокот дека државата незапирливо се празни.