Дневните температури од денеска ќе бидат значително пониски, а утринските на повеќе места ќе се спуштат под или околу нулата.

Од понеделник ќе има променлива облачност, а во вторник врнежи од дожд кои особено на север ќе поминуваат во снег и на повисоките места.

Како што информираат од Управата за хидрометеоролошки работи во Крива Паланка и Маврово утринава се измерени -6 степени, во Берово, Лазарополе и Крушево -5, во Прилеп и Тетово -2 , во Куманово, Виница, Д. Капија, Охрид, Струмица и Битола -1, додека во Претор, Скопје и Штип нула степени. Најтопол град е Гевгелија каде утрвово се измерени 6 степени.

Најмногу дожд во изминатите 24 часа до 7 часот се наврнати во Охрид и Дебар по 8 литри на метар квадратен, па 6 во Маврово, 4 во Виница, по 3 во Битола и Претор, 2 во Крива Паланка и 1 литар на метар квадратен во Крушево, Тетово, Прилеп, Д. Капија и Пожаране.

Температурата се спушти брзо и особено на североистокот. Облачноста се намали и ветерот исто така, но утринава уште има засилен ветер во Штип.