Од денеска во 11 часот на територијата на Република Македонија започнува 42-часовен карантин, со цел спречување на ширење и справување со пандемијата на Ковид-19’

Следејќи ја моменталната епидемиолошка состојба со Ковид-19, како и препораките на Комисијата за заразни болести, на владина седница беше донесена одлука за зголемена рестрикција на движењето на граѓаните за време на овој празничен викенд.

Се забранува движењето на сите граѓани на целата територија на државата почнувајќи од недела, 24 мај, во 11:00 часот до вторник, 26 мај, до 05 часот.

Вчера, на 23 мај, забраната за движење остануваше иста како и за сите други денови, од 19 часот до 05 часот наутро.

Вкупната бројка на дијагностицирани пациенти во земјава се искачи на 1 941, откако во текот на изминатото деноноќие беа потврдени 20 нови случаи на Ковид-19.