Претседателот на ВМРО-ДПМНЕ Христијан Мицкоски на вечерашното гостување во емисијата Отворено на ТВ 24 истакна дека всушност оние 11 милиони евра за кои Власта изјави  дека биле за финансирање на кампањата, испадна дека се парите за Рекет 2 на власта“

Фамозниот бројчаник кој требаше да биде поставен на Триумфалната капија, не е поставен од причина што тие единаесет милиони евра кои што се спомнуваат се само уште една торба со пари која денес обвинителството ја нарече ,,Рекет 2”. Поради тоа во сите градови, низ целата Македонија ни се случува пустош, истакна Претседателот на ВМРО-ДПМНЕ Христијан Мицкоски на вечерашното гостување во емисијата Отворено на ТВ 24.

Претседателот на опозициската ВМРО, Мицкоски додаде дека доколку се добие датум за преговори со ЕУ, истиот ќе биде добиен само врз основа на политичка одлука од повисоки инстанци, а не поради реформи во државата кои повеќе од јасно не постојат.

Тој истакна дека  се чуствува горд што неговата партија ВМРО-ДПМНЕ не учествуваше во операцијата на распродавање на името.

-Јас се чувствувам горд што ВМРО-ДПМНЕ не учествуваше во таа операција на продавање и распродажба на идентитетот на македонскиот народ и македонската држава, вели Мицкоски.

Мицкоски исто така посочи дека ние треба да ги гледаме работите низ призма на многу работа и многу труд, дека не треба да бидеме клиентелисти и материјалисти и да кажуваме дека парите ни се важни, ако треба и кожата ќе си ја продадеме, напротив верува дека работите треба да се гледаат низ вредности и принципи.