Службите на општината Чаир потврдија дека градежните работи, во кои што при трагичната несреќа загинаа двајца браќа незаконски ја спроведувала фирмата.

Службите на општината Чаир во која денеска загинаа двајца браќа, а додека пак нивниот зет беше повреден, изјавија дека покрај работата, нелегализиран бил и објектот, односно местото, на кое се работело.

Несреќата се случила попладнево на улицата “Кемал Сејфула” во Чаир. За време на отворањето на каналот на длабочина од два метри земјата затрупа две лица на возраст од 26 и 28 години.

Според записникот од страна на инспекторите кои излегле на терен, започнатите работи за вклучување во подземната инфраструктура немале дозвола за нивно спроведување и истите се започнати во текот на денешниот неработен ден, сабота.

Општина Чаир се огласи по страшната несреќа денеска кога земја затрупа работници, при што за жал двајца загинаа на лице место, еден е повреден.

Општина Чаир изразува искрено сочувство до семејството на настраданите во денешната несреќа која се случи наспроти Основното Училиште “Пенко“. На местото на настанот, веднаш излезе Инспекторатот на Општина Чаир за да ја потврдат фактичката состојба и за да констатираат дали се испочитувани сите предвидени законски норми за овој вид на работи од страна на изведувачот