Новинарот и аналитичар Сашо Ордановски во вчерашното гостување во „ТВ24“ aко постои волја во судството, може да се решаваат брзо предметите.

ТОј рече дека законите не се пресудни за функционирање на правото. Вели проблемот е со интегритетот и кадровскиот состав во судовите, отколку законите.

-Македонија мора да расчисти со случаите на СЈО, дел се многу компликувани. Законите важат за сите подеднакво и зависи колку обвинителите ги туркаат тие предмети. Треба што побрзо да се затворат овие саи. Доколку правосудството сака да испорача правда тоа ќе го направи. Ако постои волја во судството, може да се решаваат брзо предметите. Гледате за случајот „Рекет“ колку брзо оди. Кога судството и обвинителството сакаат да испорачаат правда тоа мора да се направи. „Рекет“ отиде во супер брза постапка, вели новинарот Сашо Ордановски.

„Во суд се суди со докази, не со каква чипка ти е маицата, дали кога зборуваш употребуваш пцовки и дали носиш чевли од 100 или од 1.000 евра. Ако се докаже дека гардеробата е купена во тие месеци кога се земени парите и за неа се платени 500 илјади евра, има доказ дека на неа се потрошени парите. Ако му ја покажувате гардеробата за потоа целата јавност да коментира „Видете го овој Боки 13 какви пантолони носи, елечиња, а притоа ништо да не видиме од тоа кога е купено, во кој период, каде е купено, не е во ред.

Па Боки 13 дури 20 години така се облекува. Таму имаше парчиња што јас сум ги гледал пред да почне целата афера. Не може да се суди преку тоа какви полемики се водат на фејсбук. Обвинителството досега не извади ни еден директен доказ. Таму има спротивставени сведочења. Јас чекам да дојдат пресудите и да се осврнам на сето тоа.

Сега одбраната ќе почне да изведува докази. Можеби тие ќе изведат поинтересни докази, можеби тие ќе кажат каде се парите, кога веќе ги обвинуваат дека зеле пари, можеби ќе дознаеме. Настрана целата хистерија, во самата судска материја ние не видовме објективни докази. Јас мислам дека во нормална демократска земја со вистинско правосудство, ова би паднало со просечна екипа адвокати“, рече Орданоски.