Садула Дураку, кој е предложен за нов министер за политички систем, е искусен политичар кој е носител на институционалната и политичка меморија на ДУИ, изјави вицепремирот за европски прашања Бујар Османи.

– Улогата на Дураки е да го трансформира Секретаријатот за рамковен договор во Министерство за политички систем. Имајќи предвид дека тој е дел од учесниците на подготвување на рамковниот договор нема човек кој подобро го знае духот на Охридскиот рамковен договор, изјави Османи.

Османи истакна дека граѓаните сакаат сериозни политичари и сериозна програма со претходно познавање на политиката, односно искуство и проекти.

– Протестите, ако може да ги кажеме протести, покажаа дека граѓаните не поддржуваат политика на обид за доаѓање на власт преку разоткривање на приватност на функционери и преку клевети, туку бараат сериозна програма и сериозни луѓе, со багаж на претходно исксутво и сериозни проекти кои може да ги испорачуваат, изјави Османи.

Османи посочи дека протестите против ДУИ во Тетово, јасно и покажале на опозицијата кој пат е најдобро да го следи.

– Очигледно овој пат што сега се фатиле се покажа во неколку наврати дека е слеп пат и дека не ги носи до победа. Најдобро е да не следат нас и да разработат сериозна програма и проекти и да покажат сериозни кандидати и луѓе во кои народот има доверба и да ни конкурираат на тој начин. Ги уверувам дека само губат само време ако овој начин се обидуваат да дојдат на власт, изјави Османи.