По тигарот од зоолошката градина Бронкс во Њујорк, кој е заразен со коронавирус, сега уште седум диви животни од оваа градина биле тестирани и се позитивни на вирусот, соопшти Здружението за зачувување на дивиот свет. 

Три тигри и три африкански лавови биле регистрирани дека почнале да развиваат симптоми на коронавирус на почетокот на април, кога зоолошката градина објавила дека малезискиот тигар Надија е позитивен на коронавирусот.

Сите животни имаат еден симптом, а тоа е сува кашлица.

И еден тигар, кој е исто така позитивен, нема симптоми, пренесува Си-Ен-Ен.

Од зоолошката градина изјавиле декаживотните биле заразени од жена работничка, која била позитивна на коронавирус, но во тоа време не покажувала симптоми.

За потсетување, на 6 овој месец беше објавено за првиот тигар кој бил заболен од коронавирус во зоолошката градина во Њујорк и тој беше првиот потврден случај на заразено животно со Ковид-19 во САД.

Тогаш од зоолошката градина соопштија дека тигарот почнал да покажува симптоми на болеста на 27 март, а се очекува сите заболени животни да се опорават.