ОТВОРЕНА КНИГА НА ЖАЛОСТ ЗА ЗАМЕНИК-ГРАДОНАЧАЛНИКОТ ЕНВЕР МАЛИЌИ!

Денеска, во просториите на Град Скопје (пред влезот во Кабинетот на градоначалникот, барака број 4) е отворена книга на жалост за прерано починатиот заменик-градоначалник Енвер Малиќи.

Сите граѓани коишто сакаат да се запишат во книгата на жалост ќе можат да го направат тоа од 11 до 16:30 часот, секој работен ден.

Во чест и сеќавање на Енвер Малиќи, денеска во 14 часот ќе се одржи и онлајн комеморативна седница која што ќе биде пренесувана на фејсбук каналот на Град Скопје.

Од компликации на Ковид-19, почина Енвир Малиќи, заменик-градоначалникот на Град Скопје.

Тој бил хоспитализиран во болница поради здравствни проблеми, а бил позитивен и на коронавирусот.

Малиќи на последните локални избори беше избран како советник во Град Скопје од листата на ДУИ, а градоначалникот на Скопје Петре Шилегов во ноември 2017 го именуваше за заменик-градоначалник.