Епидемиолозите секојдневно откриваат нови симптоми на коронавирусот кој во моментот владее низ светот.

Вирусот кој сее страв, има неколку симптоми како грозница, температура, кашлање и болка во градите, но сега медицинската сестра Челзи Ернест од Америка посочува дека и црвените очи може да бидат знак дека пациентот е заразен со коронавирус.

„Лично го видов тоа. Заболените имаат очи како кај алергија. Белиот дел од окото не е црвен. Тоа е повеќе како да имаат црвена сенка од надворешната страна на очитe. Имавме пациенти кои имаа само црвени очи како единствен симптом што го видовме, дојдоа во болница и починаа.“

Како што пренесува Си-ен-ен, претходно американската офталмолошка академија неколку пати предупредила дека поседува извештаи каде стои назначено дека новиот коронавирус или Ковид 19 е поврзан со конјуктивитис, па од тука може да се заклучи дека црвенило на окото е еден од симптомите кои се јавува кај заболените.

Во Америка сите офталмолошки ординации престанаа со работа и примаат само итни случаи.

Еден од симптомите кои неодамна го посочија истражувачите кои работат на откривање на симптомите на смртоносниот Ковид 19 е губењето на сетилото на вкус и мирис.