Во Македонија по се изгледа дека секој стана експерт за се и сешто. Таков впечаток се доби и на вчерашната емисија на Вести24, во која еден од учесниците беше и Ѓулистана Марковска, лекар специјалист по очни болести, поранешен пратеник од Сојузот на реформски сили на Стојан Андов, а потоа пратеник од ВМРО-ДПМНЕ. Во емисијата учествуваше и Слаѓана Тасева, која е професор на факултетот за безбедност, како и новинарот Бранко Героски кој повеќе од две децении ги следи и ги коментира политичките и општествените случувања во Македонија.
Но, најзанимливите делови на емисијата сепак беа оние во кои докторот офтамолог Ѓулистана Марковска ги убедуваше соговорниците и јавноста за законските рокови за поднесување на обвинителски акт, за процесните постапки пред судовите, за тоа што е а што не е неовластен тужител, како и за употребата на нелегални докази во правниот промет. Ако имате малку креативност, замислете дебатна емисија за офтамологија, каде професорот по кривично право Гордан Калајџиев ќе зборува за хируршка интервенција за катаракта, проф. Слаѓана Тасева ќе говори за глауком и интраокуларен притисок, а професорот Тони Дескоски за терапија против очен коњуктивитис.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.