Необично топлата есен приврши овој викенд, а веќе температурите значително се намалија низ целиот Балкан.

Првата снежна покривка падна во Хрватска, на Сљемен во Горски Котор, како и во Карловац и Дуга Реса. Снег врнеше и во Словенија и Босна и Херцеговина.

Метеоролошкиот сервис AccuWeather објави долгорочна прогноза за зимата која доаѓа.

Додека за подрачјето на Велика Британија, Скандинавија и остатокот од Северна Европа се очекуваат силни бури на почетокот на зимата, се чини дека зимата на Балканот ќе биде блага – без силни температурни осцилации, а ќе изостанат и големите количини врнежи.

Додека во поголемиот дел на Европа ќе има многу бури, снег и продор на студени бранови, на Балканскиот полуостров се очекува прилично мирна зима.

„Ќе има бури, но нема да бидат толку изразени како минатата година“, прогнозира метеорологот Џејсон Николс. Наместо тоа, бурите ќе се појавуваат помеѓу долготрајните сушни периоди.

„Овој регион може да има долги суви и топли периоди, пропследени со бури кои ќе траат една недела, а потоа ќе се враќа сувотот време од две до три недели“, рекол метеорологот Тајлер Ројс.

На Јадранот не се очекувааат силни бури, предвидуваат метеоролозите на AccuWeather.

„Тоа ќе допринесе до слаба снежна сезона на планините“, додал Ројс.

Најостра зима ќе ја зафати источна Европа и источна Скандинавија. Почетокот на зимата нема да биде обележан со продор на силни и изразени студени бранови, но тоа може да се случи кон крајот на зимата.