Денеска пазарџиите протестираат против Законот за трговија на зелените пазари кој стапи во сила од 1-ви јануари годинава.

Утрово на големите места од зелените пазари можат да се видат катанци и транспаренти затоа што најавено е дека има протест, а додека сите оние кои продаваат на Зелениот пазар дојдоа пред Собранието на Република Македонија.

Од Битпазар трговците утрово излегоа на протест на булеварот Крсте Мисирков, а сообраќајот во тој дел од градот е во прекин.

Според новиот закон, за тезгите почнаа да плаќаат лиценци. Цената за лиценцата е 3.600 денари, а ако некој има во сопственост повеќе тезги за секоја наредна тезга се плаќа по уште 2.400 денари. Стопанската комора на Македонија ќе ги издава лиценците на пазарџиите.
Според новите закони на зелените пазари не може да работат пензионерите или луѓе што се вработени.