Капитенот на македонската фудбалска репрезентација, Горан Пандев доби уште една многу богата понуда за да ја напушти Италија.

Понудата е од околу 4 милиони евра по сезона, која го става македонскиот ас на искушение дали да ја напушти Џенова и следните две сезони да ги мине во првенството на Катар. Актуелен менаџер е Руи Фарија, кој многу години беше прв асистент на Жозе Мурињо и многу добро го познава Горан Пандев од периодот кога заедно освоија тројна круна со „нероаѕурите“.

Горан Пандев е истакнат македонски фудбалер, кој во моментов настапува за Џенова во италијанската Серија А и е моментален капитен на Македонската фудбалска репрезентација. Тој исто така е и најдобар стрелец во историјата на репрезентацијата на Македонија. Роден е на 27 јули 1983 во Струмица и тој е еден од најдобрите фудбалери во Република Македонија.

Пандев е двапати избран за најдобар спортист на Македонија: во 2007 година, во изборот на весникот „Дневник“, и во 2010 година, во изборот на весниците „Дневник“ и „Нова Македонија“.