Кандидатот за претседател од редовите на СДСМ, Стево Пендаровски, одговарајќи на прашања од новинарите по средбата со иницијативата „На мегдан„ рече дека иако му се дадело 15 години робија на Крсто Мукоски кој отворал врата во Собранието, демонстрантите секако ќе влезеле и да не беше тоа отворање на врата.
Стево Пендаровски, кандидатот за претседател од СДСМ на прашања од новинарите по средбата со иницијативата „На мегдан„ изјави дека амнестијата на дел од обвинетите за случувањата од 27 април во Собранието, е направена поради перспективите, од политичка смисла, за државата што се отвораат во насока на реализација на стратешките цели.
Пендаровски мисли исто така дека кога ќе се стави на страна фактот дали да му се даде 15 години робија на Крсто Мукоски, кој отварал врата во Собранието, демонстрантите секако ќе влезеле и да не било тоа отворање на врата.
„Промената на Уставот што требаше да произлезе од Преспанскиот договор за новото име да важи и во внатрешниот правен поредок бараше две третини, во тој момент ние се соочивме со барањето на две добра. Чиста правда и отворање на евроатлантските врати. Кога ја видов содржината на законот за амнестија, ми олесна. Мислам дека кога ќе го ставите на страна фактот дали да му дадеме 15 години робија на Крсто Мукоски кој отварал врата во Собранието, а демонстрантите секако ќе влезеа и да не беше тоа отворање на врата.
„Од друга страна имате потреба да направите две третини за да го промените Уставот, со што дефинитивно на сите нас и сегашни и идни генерации ни се отвораат вратите на развиениот свет, за мене беше јасно како човек кој беше еден од нападнатите дека е подобро тоа да го направиме отколку да одиме со неселективно казнување и на луѓе кои не употребиле насилство ниту имале намера да организираат употреба на насилство„ рече Пендаровски.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.