Официјално од денеска нов станар во претседателската резиденција на Водно пристигна Стево Пендаровски.

Бившиот претседател Ѓорге Иванов го пречека новиот претседател Пендаровски со официјална и традиционална церемонија, а тој пак го испрати Иванов во доживотна пензија и закупените канцеларии во висококатниците во Џевахир.

Церемонијата во Вилата на Водно започна со сите државни и воени почести.

После свеченоста Иванов и Пендаровски имаа 45-минутна тет-а- тет средба. Двајцата се сретнаа и со вработените во претседателскиот кабинет. По што следуваше и примопредавањето на функцијата на претседател на Република Македонија.

После завршувањето на својата 10 годишна функција како претседател, Иванов преку семејна фотографија се збогува со граѓаните и им порача:

„Останете во добро здравје и не заборавајте дека само сплотени, обединети и со меѓусебна почит ќе имаме просперитетна и успешна Македонија. Функциите доаѓаат и проаѓаат, но човечноста останува”. – напиша Ѓорге Иванов на ФБ.

Денеска Пендаровски и официјално го испрати Иванов од претседателската резиденција на Водно и му кажа збогум засекогаш.

Пендаровски пак по официјалното испраќање на Иванов од вилата на Водно, официјално започна со билатерални средби со високи државници од соседството.