Поддржувачите на претседателскиот кандидат од СДСМ, Стево Пендаровски веќе почнаа да слават пред штабовите.

Се вејат македонски и албански знамиња, се слави со оро, зурли и тапани пред штабовите од СДСМ во Скопје, објави порталот „Плусинфо”. Од неофицијални извори од партијата на СДСМ веќе нарачале и кетеринг за прославата. Во и пред партиското седиште почнуваат да се собираат членови и симпатизери на партијата.

Според податоците од Државната изборна комисија моментално води кандидатот за претседател од СДСМ, Стево Пендаровски води со 364.262 или 52,46%, а додека пак кандидатката од ВМРО ДПМНЕ, Гордана Силјановска Давкова има освоено засега 305.471 или 43,99%.

За разлика од седиштето на СДСМ, во штабот на ВМРО-ДПМНЕ во Скопје е мирно и за разлика од првиот круг е тивко и нема раздвиженост.