Стево Пендаровски после победата за претседателските избори рече дека е премногу задоволен од добиените гласови во вториот круг што го направија претседател.

Како што пишува Алсат, Пендаровски веднаш неколку минути по затворањето на гласањето додека се пребројуваа гласовите, тој најде време да одговори на неколку прашања за Албанската Радио Телевизија. Во изјавата на прашање од новинарите за рамноправноста меѓу Македонците и Албанците, Пендаровски рече дека Македонија денеска е подобро место за живеење и тоа се гледа по бројките кои можат да се проверат, со албанските министри во владата на пример.

–Македонија денес е подобро место за живеење и тоа се гледа по бројките кои можат да се проверат, со албанските министри во владата на пример. Во 2001 и 2002 година по потпишувањето на Охридскиот договор, во целата државна администрација ние имавме Македонци, а само 2,4 отсто Албанци во сите институции на државата, а денес имаме над 19 проценти застапеност во овие институции, и за една земја со многу ограничени финансиски средства, ова е голем чекор напред.

Несомнено, јас не можам да кажам дека Албанците се 100% еднакво застапени со своите македонски браќа во оваа земја, но можам да кажам со полна уста, дека се во многу подобра позиција од пред неколку години или од првата деценија по независноста, рече Пендаровски.

Со зурли, тапани и ора, уште пред да бидат објавени резултатите од вториот круг на изборите, во штабот на СДСМ во неделата се славеше предноста во гласовите на нивниот кандидат Стево Пендаровски.

Од Државната изборна комисија, по пребројани 98,84 отсто од гласовите, победник на изборите за претседател на државата е Стево Пендаровски, со освоени 423.292 гласа, или 51,83 отсто, наспроти Гордана Сиљановска-Давкова, со освоени 363.980 гласа, односно 44,57 отсто од гласовите.