Претседателот Стево Пендаровски на својот фејсбук профил изрази сочувство до семејствата и роднините на починатите во пожарот што избувна вчера околу 21 часот во Ковид-центарот во Тетово.

Сочувство до семејствата и роднините на починатите во страшната трагедија во Ковид-центарот во Тетово. На повредените им посакувам успешно закрепнување, напиша претседателот Пендаровски на Фејсбук.

Министерот за здравство објави дека досега се утврдени 10 жртви, но дека бројката може да порасне!

Најмалку 10 лица го изгубија животот во пожарот што избувна вечерва во ковид-центарот во болницата во Тетово.

Министерот за здравство Венко Филипче, кој моментно е во Тетово, каде што заседава Кризниот штаб, објави дека досега има потврда за 10 жртви, но дека бројката може да порасне.

Тој изрази сочувство до семејствата и апелираше до медиумите да не шпекулираат со бројки, затоа што сите потврдени информации ќе бидат навреме споделени со јавноста.