На денешната прес конференција, претседателот на Република Македонија, Стево Пендaровски на денешната каде главна тема беше случајот Рекет одговори и за неговите средби со Боки 13.

Претседателот на прашањето дали се сретнал со првоосомничениот во случајот Рекет, Боки 13, одговори потврдно дека се сретнал со него но само двапати. Пендаровски образложи дека првиот пат се сретнале во кампот на слободата во 2015 година, а вториот пат се сретнал во 1 ТВ телевизијата каде менаџер е Боки 13, а таму гостувал кај Ацо Кабранов и притоа остварил кратка 10 минутна средба и со Боки 13.

Имено Стево Пендаровски денеска на прес конференцијата побара да се именуваат со име и презиме сите вмешани во скандалот со случајот „Рекет“.

– Аудио и видео снимките споделувани на медиумите изминативе денови предизвикуваат длабоко разочарување кај сите граѓани, а особено кај оние кои со години и по цена на постојани притисоци и закани од поранешната власт протестираа секојдневно барајќи правда. Револтот кај граѓаните е огромен и сосема оправдан. И јас, како граѓанин, како човек, не само како претседател, сум разочаран затоа што се изневерени и моите очекувања и тоа најмногу од луѓето од кои очекуваме да се борат за правна држава – рече Пендаровски.