Претседателот на државата Стево Пендаровски и шефот на македонската дипломатија Никола Димитров речиси со идентични ставови гледаат на можноста аферта Рекет да го спречи влезот во ЕУ.

Аферата „Рекет“ не е пречка за добивање датум за преговори со ЕУ, но може да стане доколку институциите не покажат потенцијал да се справат со неа, истакнаа Димитров и Пендаровски пред членовите на Амбасадорскиот совет.

Министерот за надворешни работи Никола Димитров пред јавноста сподели порака што му била упатена од европските земји:

„Корупција има секаде, важно е како ќе се справите со неа“. Затоа апелира  обвинителството да води непристрасна и темелна истрага, без оглед на тоа до која позиција во државата ќе стигне, и истакна дека втората важна работа, што може да биде од голема помош за добивање датум во октомври, е јасна политичка волја за гонење висока корупција, односно донесување на нов Закон за обвинителство.

Евроамбасадорот Самуел Жбогар истакна дека со актуелниот случај Рекет, македонското судство ја има најважната работа, а тоа е да ја врати довербата кај граѓаните.

Мислам дека судството сфаќа дека можеби ја има последната шанса повторно да ја изгради довербата кај граѓаните со независна, целосна и брза истрага и со процесуирање на случајот „Рекет“, како и на сите други случаи на СЈО. Судството треба да најде сила да му даде отпор на притисокот, независно од каде тој доаѓа. Во тоа има целосна поддршка од наша страна, рече евроамбасадорот.

Извор Телма.мк