Претседателот на Република Македонија, Стево Пендаровски упати честитка до Тамара Тодевска и нејзиниот тим по повод извонредниот пласман на Евровизија во Тел Авив, Израел.
Честитки #TeamTamara, покажавте и докажавте дека секој вреди макотрпно да се бори за своите соништа, вие сте наши победници!
Вчера ни ја донесовте Евровизија дома, заедно пеевме и го споделивме успехот, а граѓаните на Република Северна Македонија се горди на вас! Оставивте трајна вредност, песна посветена на секоја жена! Се гледаме наскоро, да ги споделите од прва рака впечатоците од импресивниот настап.
#Proud #mkd 🇲🇰, напиша претседателот Стево Пендаровски.
Веднаш после завршувањето на овогодинешната Евровизија, во која Тамара Тодевска се пласира на осмото место, премиерот Заев и честиташе на социјалните мрежи.
– Честитки Тамара, честитки #TeamTamara. Скапоцени се овие моменти на единство кои ни ги донесовте преку музиката. Одамна не сме биле волку горди! #Proud , напиша премиерот Зоран Заев.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.