Македонскиот претседател Стево Пендаровски денеска замина на работна посета во Франција каде ќе престојува до 13 ноември.

Пендаровски ќе учествува на Парискиот мировен договор, а утре е планирано да оствари средба со францускиот претседател Емаунел Макрон.

Пендаровски изјави дека уште еднаш ќе го отвори прашаето за добивање датум за ЕУ, и  најави дека пред франсускиот претседател ќе ја повтори позицијата дека евроинтеграцијата на Северна Македонија нема алтернатива и оти земјата е подготвена да продолжи по тој пат, независно дали тоа ќе биде според досегашната или по новата методологија што ја заговара Франција.

Тој посочи дека во наредниот период треба да добиеме посилен сигнал дали наскоро ќе може да се измени крајно неповолниот исход на последниот европски самит пред се Франција која беше против почеток на пристапни преговори со Северна Македонија и Албанија. Париз инсистира на претходни внатрешни реформиво ЕУ и промена на методологијата за прием на нови земји членки.

Претседателот Стево Пендаровски ќе престојува во Франција од 11 до 13 ноември, а ќе има и обраќање на форумот на 12 ноември. На форумот се очекува присуство на повеќе од 30 шефови на држави и влади.

Пендаровски, покрај средбата со Макрон, утре ќе има и обраќање на форумот, на кој ќе учествуваат повеќе од 30 шефови на држави и влади.