Во недела во 18 часот и 30 минути на телевизија Канал 5, во шоуто Еден на Еден ќе гостува кандидатот за претседател Стево Пендаровски. 

Тој во видеото споделено на неговата Фејсбук страна на шега вели:

Ќе ја гурам државата напред, човек што има Југо навикнат е да гура.

На прашањето што мисли за актуелниот претседател во заминување Ѓорѓе Иванов, тој вели дека незнае кој збор да го употреби за него, а за разликата помеѓу покојниот Борис Трајковски и Бранко Црвенковски, вели дека се разликувале во тоа што Бранко имал различно однесување во кафеана. Интересно е тоа што кандидатот за претседател поддржан од СДСМ, нема да биде сам во оваа емисија, туку гостинка ќе биде и кандидатката за претседател Гордана Силјановска Давкова, која пак ќе ги покаже своите способности за танцување рокенрол.

Инаку Пендаровски е семеен човек, кој речиси 20 години е во брак со Елизабета Ѓоргиевска. Таа во најновото видео поставено на Фејсбук профилот на Стево Пендаровкси вели дека семејството е нешто на кое треба да се работи постојано, тоа понекогаш бара компромис, но се темели на љубов и почит, а него го опишува како заштитник, човек од збор и столб на семејството.

Пред неколку дена тој го прослави својот роденден во интимна домашна атмосфера со својот син и сопругата, а откри дека на подарок му дале вратоврска, која вели дека ќе ја носи на инагурацијата доколку победи на престојните избори.