„Рускиот претседател Владимир Путин планира да се вакцинира со новата руска вакцина против вирусот корона“, потврди вчера портпаролот на Кремељ, Димитриј Песков.
Путин планира да се вакцинира пред официјалното патување во Јужна Кореја, објави Песков.
“Путин пред два дена доби покана од неговиот јужнокорејски колега. Тој потврди дека дефинитивно ќе ја прифати таа покана кога ќе се вакцинира”, рече Песков.
Повеќе од 8.200 нови случаи на коронавирус се регистрирани во Русија денес, што е зголемување на бројот на нови инфекции.
Инаку пред неколку дена рускиот лидер истакна дека вакцината против вирусот корона треба да биде достапна за сите во догледно време.
Тој предложи на официјалните претставници на ООН да им се даваат бесплатни вакцини против вирусот.
“Русија е подготвена да им ја обезбеди на службените лица на ООН целата неопходна квалификувана помош. Меѓу другото, ние предлагаме бесплатно да ја предадеме нашата вакцина за доброволно вакцинирање на службеници на ООН и нивните сектори”, рече рускиот лидер на видео-конференцијата по повод 75-годишнината од Обединетите нации.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.