Македонските шампиони на Вардар се вратија дома и со себе го донесоа највредниот трофеј – пехарот на Лигата на шампионите.

По неколку часовно оддолжување , чартер авионот со нашите ракометари слета на скопскиот аеродром, а шампионите беа дочекани како што заслужува- како вистински херои и Европски шампиони. Прв низ аеродромот се прошета Стоилов носејќи го на раце трофејот. 

На аеродромот во Скопје ги пречека градоначалникот на Град Скопје, Петре Шилегов и многу бројни обожаватели и фанови. Со обезбеден автобус ракометарите тргнаа во голема прослава, што ќе кулминира на плоштад Македонија.

За дочекот на нашите ракометари се ангажирани три двокатни автобуси на ЈСП Скопје, еден панорамски и два затворени, со кои тие ќе парадираат од аеродромот до центарот на градот

На скопскиот аеродром од попладнево се собраа илјадници навивачи на Вардар за нашите златни ракометари, кои по втор пат го добиваат најзначајниот европски трофеј.