Македонската женска репрезентација без никакви поголеми проблеми славеше убедливи победи над Азербејџан, Исланд и Турција во квалификациската група за пласман во баражот за СП.

Голема радост за Македонија и љубителите на ракометот. Македонските ракометарки на сите три меча беа на највисоко и нај посакуваното  ниво и не им дозволија на противниците да помислат на нешто повеќе од пораз. Мундијалот ќе се игра следната година во Јапонија,а противникот ќе го добиеме на 16 декември и тоа ќе биде една од тие репрезентации, што во овој момент играат на ЕП во Франција.

Овој успешен одигран квалификациски турнир и заслужениот пласман во бараж заслужи голема прослава ,а соблекувалната на ракометарките ечеше со Македонски песни. Радосни и задоволни од вчерашната победа, заслужено славеа за големите победи.

Ракометната репрезентација на Македонија е женска сениорска репрезентација што ја претставува Македонија на светската ракометна сцена во женска конкуренција. Репрезентацијата е раководена и е под закрила на РФМ. Тренер на репрезентацијата е Симе Симовски, а капитен на репрезентацијата е Елена Ѓорѓиевска.