Новак Ѓоковиќ лесно дојде до победа против Стефанос Циципас за триумф на АТП Мастерсот во Мадрид, Шпанија.

Противникот од Ѓоковиќ, Циципас имаше одличен настап во Мадрид кој триумфираше со победа над Рафаел Надал, но грчкиот славен тенисер истата игра не можеше да ја употреби и во финалето каде за противник го имаше српскиот шампион Новак Ѓоковиќ.

Српскиот ас Новак Ѓоковиќ не загуби ниту еден свој сервис, доби по еден брејк во двата сета и го доби мечот со 6-3 и 6-4.

Новак Ѓоковиќ е професионален тенисер од Србија.

Тој бил првиот српски тенисер кој победил на „гренд-слем“ турнир во поединечна категорија и најмладиот играч кој стигнал до полуфиналето на еден „гренд-слем“ тунир.

Тој е еден од четирите играчи (заедно со Давид Налбандијан, Давид Ферер и Рафаел Надал) кој го победил Роџер Федерер трипати во една календарска година; еден од трите играчи (заедно со Налбандијан и Николај Давиденко) кој ги победил и Федерер и Надал во еден ист турнир; најмладиот играч од поновата ера кој ги победил трите најдобри тенисери еден по друг, кога во Роџерс-купот во 2007 година ги победил третиот, вториот и првиот тенисер во светот (Енди Родик, Рафаел Надал и Роџер Федерер, соодветно) итн.