Тешка сообраќајна несреќа се случила на Качанички пат во Скопје.
Како што информираат од МВР, четири лица од кои две потешко се повредени во сообраќајна несреќа која се случила вчера попладне на крстосницата од бул.„Словенија“ и ул.„Качанички пат“ во Скопје.
Во несреќата учествувале „Фолксваген“ управуван од Г.А.(52) од Скопје и „Фолксваген голф“ управуван од С.М.(41) од с.Батинци, скопско.
-Во незгодата со тешки телесни повреди се здобиле Г.А. и Д.Х.(21), сопатничка во неговото возило, додека возачот С.М. и сопатникот во неговото возило Г.Л.(27) од Р.Албанија, се здобиле со телесни повреди, информираат од МВР.
Тие биле пренесени во Комплексот клиники „Мајка Тереза“ за укажување лекарска помош. Увид на местото извршила екипа од СВР Скопје.
Исто така МВР информира дека во Градскиот парк биле приведени неколку лица.
Во Полициската станица Кисела Вода вчера приведени се С.Љ.(21) и Д.М.(21), двајцата од Скопје.
-Лицата се приведени поради сомнение дека околу 15.10 часот во Градски парк кај езерцето, физички ги нападнале Е.К.(24), Љ.К.(19) и М.Б.(18), сите од Косово.
За случајот е известен е Јавен обвинител, а по документирање на истиот ќе биде поднесен соодветен поднесок.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.