Денеска во раните утрински часови (околу 2 часот по полноќ) пред казиното “Sherry” во Кочани се случило потешко нарушување на јавниот ред и мир.

Вработениот З.З. во ново отворената агенција за обезбедување “Унит” кој бил на работа во казиното “Sherry” физички се пресметувал со едно лице пред казиното, а на помош пристигнале и други лица вработени во агенцијата за обезбедување “Унит”.

Физичката пресметка помеѓу вработените лица во агенција за обезбедување “Унит” и оштетеното лице продолжила во блискиот кафе бар кој во тоа време бил затворен, а каде што е предизвикана значителна материјална штета, бидејќи бил искршен дел од инвентарот.

За одбележување е тоа дека кафе барот во кој е причинета значителна материјална штета е единствен локал во Градскиот Трговски Центар во Кочани кој не е обезбедуван од ново отворената агенција за обезбедување “Унит”.

Но и покрај тешкото нарушување на јавниот ред и мир во самиот центар на градот, ПС Кочани не реагирала и не го евидентирала настанот за да постапува по него.

Инаку казиното “Sherry” во Кочани е познато на јавноста по неодамнешната пресметка и пукотници помеѓу Жан Железарски и истите припадници на агенција за обезбедување “Унит”, на која пресметка преходеа телефонски закани од Жан Железарски кон полицискиот инспектор Петре Георгиев поради нерасчистени сметки.

Додека во Кочани секојдневно се случуваат физички пресметки и пукотници заради поголема превласт на пазарот за обезбедување, ПС Кочани немо ги следи случувањата и не реагира соодветно за да го врати спокојството на граѓаните, туку одработува за некој од кој што има финансиска корист.