Забава со детски песни, театарска претстава, Дизни маскоти и многу други изненадувања ги очекуваат посетителите на Зоолошката градина на 1 септември (недела), на одбележувањето на нејзиниот 93-ти роденден.

Големата роденденска журка ќе почне во 17 часот, а присутните ќе уживаат во настапите на „Златно Славејче“, детската театарска претстава на Неверленд- Волшебникот од ОЗ, како и со Дизни маскотите.

Се гледаме во нашата и ваша омилена Скопје ЗОО!

Зоолошката градина Скопје — зоолошка градина во Скопје, формирана во 1926 г. од страна на тричлена комисија со која раководел д-р Станко Караман. Во истата 1926 година е предложено денешното место која во тоа време опфаќала 4 хектари површина, а градината располагала со скромен број на животни кои претежно биле добиени како подарок.

Со решение на Градското собрание во 1965 година и со донесувањето на елаборатот во 1966 година за ново урбанистичко решение, Зоолошката градина Скопје го добива денешниот изглед.