Терапијата со песна и танц е подеднакво делотворна како и медицинската терапија. За да ги расположат болните од смртоносниот коронарниот вирус, медицинскиот персонал понуди традиционален танц на Синџанг.

Во една од привремените болници во Вухан, тим за медицинска помош од автономниот регион Синџанг измисли неколку едноставни движења за да ги расположи болните од коронавирусот. И додека повеќето луѓе во државата стравуваат од опасниот коронавирус,  овој подиум е полн со живот.

„Пациентите сега бараат од нас да танцуваме секој ден. Ова дефинитивно делува добро на нивното физичко и ментално здравје “, објаснува Ипаре Ехмет, член на тимот за медицинска помош во Ксинџијанг.

Оваа болница е наменета за сместување на пациенти со полесна пневмонија. Медицинскиот тим ги  охрабрува болните пациенти со разни активности како и со танц.

„Не им е лесно на пациентите кои престојуваат овде. Ние сакаме да им ги олесниме работите, да им помогнеме со нешто што ќе им го привлече вниманието. Исто така, со тоа ја подобруваме и  ефикасноста на нашата работа. Ние ги научивме чекорите за танцување, вежбајќи по половина час на ден “, вели Ванг Јиан, главна медицинска сестра во болницата во Вухан.

Таа вели дека биле откриени вистински таленти меѓу пациентите.